Intecracy Group Intecracy Group Intecracy Intecracy

2018 жылғы 2 шілдеде «GlobalSilkRoad. Қалалар мэрлерінің форумы» аясында «Ақылды, тұрақты және төмен көміртекті қалалар үшін блокчейн» тақырыбында панельдік сессия өтті. Сессия «Жасыл Академия» ғылыми-білім беру орталығы Астана қаласының Әкімдігі, Evercity(Сингапур) компаниясы және «Термотехника» ЖШС-мен бірлесіп ұйымдастырды.

Іс-шараның мақсаты Париж климаттық келісімін іске асыру шеңберінде төмен көміртекті даму саласындағы халықаралық тәжірибемен танысу және blockchain платформасын энергия тұтыну және қала кәсіпорындарының парниктік газдар шығарындыларын азайту үшін пайдалану.

Сессия модераторы ҚР Президенті жанындағы «Жасыл экономика» жөніндегі Кеңестің мүшесі, «Жасыл Академия» ҒБО директоры, профессор Бахыт Есекина және FinTech4Good, UN ESCAP Digital Economy Task Force президенті Cяочен Занг мырза болды. Сессияны Астана қаласының әкімі атынан Астана қаласы әкімдігінің Инвестициялар және даму басқармасының басшысы Ә.Әбдіқадыров құттықтау сөзімен ашты. Ол барлық қатысушыларды Астананың 20 жылдығымен құттықтап, қаланы цифрландыру және төмен көміртекті дамыту саласындағы БҰҰ-мен және басқа да халықаралық ұйымдармен ынтымақтасуға қала әкімдігінің ниеті мен дайындығын білдірді. Сессия қатысушыларды ҚР Білім және ғылым министрлігінің Ғылым қоры атынан Ә.Сұлтанғазин сөз сөйледі.

Сессия жұмысы «Ақылды тұрақты қалалар» Бірлескен бастама Төрағасы, ITU UN директоры ЧхеСуб Лидің бейне-үндеуімен басталды, онда БҰҰ осы агенттігінің ақылды қалалар бастамасын жүзеге асыру және қалалардың тұрақты дамуының индикаторларын әзірлеу саласындағы қызметінің басымдықтары айтылды. Сондай-ақ, ЧхеСуб Ли директор Астана қаласы тұрақты қалалар бастамасына қосылғандығын және әлемнің «ақылды» қалалары халықаралық клубына кіргендігін жария етті. Содан кейін, ITU UN серіктесі және «Русский углерод» Қорының басшысы Алексей Шадрин Астана қаласы әкімдігінің Инвестициялар және даму басқармасының басшысы Ә.Әбдіқадыровқа Астана қаласының ақылды қалалар бастамасына қосылғандығы туралы ITU UN хатын салтанатты түрде табыстады.

Содан кейін Blockchain және FintechAccelerator (Мәскеу) негізін қалаушы және бас директоры Максим Авдеев, Жоғары экономика мектебінің Қоршаған ортаны қорғау орталығының (Ресей Федерациясы) директоры Георгий Сафонов, «Струнные технологии» ЖАҚ мақсатты жобалар бөлімі бастығының орынбасары (Минск, Беларусь) Светлана Волошина, First Project-тен (Оңтүстік Корея) Алексадр Ким, AIRA (Ресей Федерациясы) атқарушы директоры Иван Петров, «Термоттехника» ҒЗТҚЖ директоры Валентин Ким сөз сөйлейді.

Талқылаудың қорытындылары бойынша Астана қаласының әкімдігі, FinTech4Good, «Жасыл Академия» ғылыми-білім беру орталығы және Қазақстан Республикасы Білім және ғылым министрлігінің Ғылым қоры арасындағы ақылды қала және Астана қаласын цифрландыру саласындағы бірлескен зерттеулер жүргізу бойынша меморандумға қол қойылды. Ұлттық және қала деңгейлерде парниктік газдар шығарындыларын азайту үшін blockchain платформасын енгізу бойынша Қазақстан Республикасының Үкіметіне, Астана қаласы әкімдігіне және Қазақстанның басқа қалаларына ұсыныстар жасалды.

Read more...

2018 жылғы 17 наурызда Астана қ. «Өндірісті цифрландыру: энергия тұтынуды және шығарындыларды азайтуды мониторингілеу үшін blockchain» тақырыбына семинар-тренинг өтті. Семинарды «Жасыл Академия» ғылыми-білім беру орталығы Астана қаласының Әкімдігімен бірлесіп, «Русский углерод» Қорының қолдауымен ұйымдастырды.

Іс-шара Париж Климаттық Келісімінің шеңберіндегі ұлттық міндеттемелерді іске асыруға байланысты энергия тұтынуды және парниктік газдар шығарындыларын азайту үшін өндірісті цифрландыру және blockchain платформасын пайдалану тәсілдерін зерттеу мақсатында өткізілді.

Баршаға белгілі, климаттың өзгеруіне қарсы күрес және Париж климаттық келісімін, сондай-ақ Елбасы Н.Ә. Назарбаевтың «Төртінші индустриалды революция жағдайында дамудың жаңа мүмкіндіктері» Жолдауын іске асыру мақсатында 2030 жылға қарай ІЖӨ-де энергия тиімділігін 30% -ға төмендету және елдік шығарындыларды 15-25% азайту мақсаттары белгіленген болатын. Сарапшылардың пікірі бойынша, осы проблемаларды шешу үшін қазақстандық кәсіпорындар цифрландыру әдістерін пайдалана отырып, энергия тиімділігін арттыру және шығарындылар мен қалдықтарды азайтуға бағытталған жүйелік шараларды қамтитын төменкөміртекті дамуға көшудің кешенді корпоративтік стратегияларын әзірлеу керек.

Семинарды «Жасыл Академия» ҒБО директоры, э.ғ.д., профессор Бахыт Есекина және «Aстана Innovations» АҚ-мы Басқарма төрағасының орынбасары Мейрам Дюсюков сөз сөйлеп, ашты.

Тренинг жүргізушілер — Жоғары Экономика мектебінің Қоршаған орта және табиғатты пайдалану экономикасы орталығының директоры Георгий Сафонов, «Русский углерод» Қорының атқарушы директоры Алексей Шадрин, Блокчейн және Inspi Russia финтех акселераторы, CBDO Life.SREDA VC негізін қалаушы және бас директоры Максим Авдеев (Ресей Федерациясы) болды.

Семинарға Астана қаласы Әкімдігінің Табиғи ресурстар және табиғатты пайдалануды реттеу басқармасы мен оған қарасты өндірістердің, Aстана Innovations, Самұрық-Энерго, «ҚазМұнайГаз» ҰК, ҚР тау-кен ғылымдарының Ұлттық академиясы, «Қазақстандық коммуналдық жүйелер» ЖШС және т.б. басшылары мен мамандары қатысып, экономиканың түрлі салаларында энергияны тұтынуды және шығарындыларды реттеу мониторингін жүргізу үшін блокчейн платформасын пайдалануды мүмкінді деп атады.

Read more...

2018 жылғы 15 ақпанда Астана қаласы Әкімдігі «Жасыл Академия» ғылыми-білім беру орталығымен бірлесіп, Қазақстан экологиялық ұйымдарының қауымдастығы, Конрад Аденауэр атындағы Қордың Өкілдігі мен Қазақстандағы Азия даму банкінің қолдауымен «Астана қаласының төмен көміртекті дамуға көшуінің әдіснамасы мен тетіктері» тақырыбына семинар өткізді.

Іс-шараның мақсаты — Астана қаласының төмен көміртекті даму стратегиясының (АТКДС) әдіснамасын әзірлеу туралы жұртшылықты хабардар ету және Париж климаттық келісімі аясында іске асыру тетіктерін талқылау болды.

Іс-шараны «Жасыл Академия» ҒБО директоры, Қазақстан Республикасы Президенті жанындағы «жасыл экономика» Кеңесінің мүшесі, экономика ғылымдарының докторы, профессор Бақыт Есекина жүргізді.

Семинарды Астана қаласы әкімінің орынбасары Қосман Айтмұхаметов ашты. Атап айтқанда, ол климаттың өзгеруі қаланың қалыпты өміріне үлкен қауіп тудыратынын атап өтті. Осыған орай, қала әкімдігі парниктік газдар мен қалдықтар шығарындыларын азайту, энергия тиімділігін арттыру және халыққа экологиялық білім беру үшін ұзақ мерзімді стратегиялық шаралар әзірлеу туралы шешім қабылдады. Әкімдіктің жанынан жұмысшы топтар құрылды, олардың әрқайсысында өз бағыттары бар, оның ішінде Астана қаласының төмен көміртекті дамуға көшуі туралы стратегиясын әзірлеу туралы. Қазіргі уақытта жұмыс топтары іске кірісті.

Сондай-ақ семинардың ашылуында Энергетика министрлігі Экологиялық реттеу және бақылау комитеті төрағасының орынбасары Зұлфыхар Жолдасов, Азия даму банкінің өкілі ҚР На Вон Ким, Қазақстан экологиялық ұйымдарының қауымдастығы Президиумының мүшесі Салтанат Рахымбекова сөз сөйледі. Спикерлер Қазақстан Республикасының төмен көміртекті дамуға көшу шеңберінде қала үшін төмен көміртекті даму стратегияны әзірлеу, халықаралық ұйымдардың қаржылай және сараптамалық көмегі, шешімдермен жобаларға азаматтық қоғамның кеңінен қатысуының маңыздылығын атап өтті.

Іс-шараға қатысушылар — орталық және жергілікті мемлекеттік органдарөкілдері, Астана қаласы әкімдігінің төмен көміртекті даму стратегиясын әзірлеу бойынша Жұмысшы тобының мүшелері, халықаралық ұйымдар, бизнес, ҮЕҰ өкілдері, ғалымдар мен сарапшылар -төмен көміртекті дамуға көшудіңзаманауи үрдістері мен тәсілдерімен танысты. Сарапшылардың пікірінше, климаттың өзгеруімен күрестің негізгі мақсаттары — қаланың көміртек әлеуетін бағалау үшін халықаралыққұралдарын бейімдеу және климаттық тәуекелдерді азайту үшін практикалық шараларды әзірлеу болып табылады.

Стратегиялық жоспарлау және инвестициялық қаржыландыру, төмен көміртекті даму әдіснамасы мен блокчейн платформасында шығарындыларды реттеу бағыттары, төмен көміртекті даму стратегиясын әзірлеуге арналған экономикалық құралдар, ЕО қалаларының Әкімдер келісімінің көрсеткіштері туралы Азия даму банкі тұрақты даму және климат бойынша маманы Фредерик Асселайн, Жоғарғы экономика мектебі орталығының директоры Георгий Сафонов (Ресей Федерациясы), Конрад Аденауэр атындағы қордың Қазақстандағы өкілдігінің жетекшісі Томас Хельм, «OCTANTSp.zo.o» АҚ директоры Павел Виктор (Польша) презентация жасады.

Семинар нәтижесінде Астана қаласы әкімдігінің Табиғи ресурстар және табиғатты пайдалануды реттеу басқармасына Азия даму банкінің қолдауымен Астана қаласының төмен көміртекті дамуға көшу стратегиясының әдіснамасын негіздеу үшін халықаралық және ұлттық сарапшылардан құралған сарапшылар тобын құру, қала маслихаты, Қоғамдық кеңесімен бірлесіп, Астана қаласының 2018-2021 жылдарға арналған Кешенді жоспарының жобасын талқылау үшін қоғамдық тыңдаулар ұйымдастыру туралы ұсыныстар жасалды.

Read more...

2018 жылғы 12 қаңтардаАстана қаласы әкімдігінің мәжіліс залында «Астана қаласының төмен көміртекті дамуға көшу болашағы мен механизмі» тақырыбына дөңгелек үстел өткізілді. Дөңгелек үстелді Астана қаласы әкімдігі мен «Жасыл Академия» ғылыми-білім беру орталығы бірлесіп, «Астана» халықаралық қаржы орталығыжәне «Kaukointernational Central Asia» ЖШҚ (Финляндия) қолдауымен ұйымдастырылды.

Аталмыш іс-шара — қалаларды декарбонизациялаудың халықаралық тиімді тәжірибесін талқылау және Астана қаласының төмен көміртекті даму стратегиясын әзірлеу бойынша ұсыныстарды дайындау мақсатында өткізілді.

Іс-шараның ашылу рәсімінде Астана қаласының әкімі Әсет Исекешев «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында Мемлекет басшысы Н.Ә. Назарбаев әкімдіктердің алдында табиғи ресурстарды басқару және кәсіпорындардың энергия нәтижелілігі мен энергияны үнемдеуге, сондай-ақ энергия өндірушілердің өз жұмыстарының экологиялық тазалығы мен тиімділігіне қойылатын талаптарды арттыру бойынша тиімді шаралар қабылдау жөнінде жаңа міндеттер қойды.

Қала басшысысөйлеген сөзінде сондай-ақ климаттық әсерлер халықтың денсаулығына әсер етіп қана қоймай, сондай-ақ бүкіл мегаполистің қалыпты тіршілік әрекетіне қауіп-қатер жасайтын теріс фактор болып отырғаны аталып өтілді.

Бұл тұрғыда қала әкімдігі елорданың 20 жылдық мерейтойы жылы болғалы тұрған 2018 жылды Экология және энергия тиімділігінің жылы болады деп жариялады.Ағымдағы жылы қалада ұзақ мерзімді перспективаға арналған парниктік газдардың шығарындылары мен қалдықтарды төмендету бойынша стратегиялық шараларды әзірлеу жоспарланып отыр.

ҚР Энергетика Вице-министрі Ғани Сәдібеков өз сөзінде Энергетика министрлігі 2030 жылға дейін Қазақстан Республикасының төмен көміртекті даму стратегиясына арналған техникалық тапсырмаларды даярлау бойынша жұмысты бастау жоспарланып отырғанын айтты. Бұл жобаны қаржыландыру мәселесіДүниежүзілік банкінің нарыққа (PMR) дайындығы жөніндегі Әріптестік Ассамблеясының отырысында мақұлданды.

Дөңгелек үстелді ұйымдастыру бойынша әріптестердің бірі «Kaukointernational Central Asia» фин компаниясы болды. Бұл тұрғыда Финляндия Елшісі Микко Кивикоски «жасыл» экономика және төмен көміртекті даму саласында мемлекеттің табыстары туралы әңгімелеп, жобаларды іске асыруда және технологиялармен бөлісуде Қазақстанмен ынтымақтастықты дамытуға даяр екенін білдірді.

Астананың төмен көміртекті дамуға өтуі бойынша, ТДМ аясында қалалардың тұрақты даму мәселелеріне, көмір электр станцияларының парниктік газдарының шығарындыларын тазарту, қалаларды декарбонизациялаудың инновациялық шешімдері бойынша Финляндияның тәжірибесі жөнінде, өнеркәсіптегі және көліктегі энергия тиімділігін арттыру, «Ақылды қала» құру мен Вена қаласының мысалында қалдықтарды энергияға қайта өңдеу жолымен декарбонизациялау бойынша Германияның тәжірибесі жөнінде,ғимараттардың энергия тиімділігін арттыру үшін smart-технологияларды қолдану бойынша ұсыныстармен және презентациялармен: Қазақстан Республикасындағы АДБ Өкілдігінің директоры Джованни Капаннелли, Австрияның Қазақстандағы Елшісі Герхард Сайллер, «Жасыл Академия» ҒБО директоры, ҚР Президенті жанындағы «жасыл экономика» жөніндегі Кеңестің мүшесі, э.ғ.д., профессор Бахыт Есекина, «Kaukointernational Central Asia» ЖШҚ (Финляндия) Бас атқарушы директоры Владимир Олещенко, «DeltaEngineering» ЖШС бас директоры, PolarSol фин компаниясының өкілі Ерлан Куанышев, ECP Group Oy (Финляндия) басқарушы директоры Тапани Стипа, Конрад Аденауэр атындағы Қордың Қазақстандағы Өкілдігінің басшысы Томас Хельм, «Астана» халықаралық қаржы орталығының басқарушы директоры Айдар Қазыбаев, «Термотехника» ЖШҚ (РФ) даму департаментінің директоры, НИОКР бөлімінің басшысы Валентин Ким сөз сөйледі.

Іс-шараның модераторлары «Жасыл Академия» ҒБО директоры, ҚР Президенті жанындағы «жасыл экономика» жөніндегі Кеңестің мүшесі, э.ғ.д., профессор Бахыт Есекина және Астана қаласы әкімдігінің Табиғат ресурстары және табиғатты пайдалануды реттеу басқармасының басшысы Мұса Танабаев болды.

Талқылауға қалалық мәслихаттың депутаттары, мемлекеттік органдардың, халықаралық ұйымдардың, отандық бизнес, мемлекеттік емес ұйымдардың өкілдері, ғалымдар мен сарапшылар қатысты.

Дөңгелек үстелдің қорытындысы бойынша Астана қаласының төмен көміртекті дамуға көшуі бойынша Стратегия әзірлеу үшін халықаралық және отандық сарапшылардан құрылған Жұмысшы тобын құру жөнінде ұсыныстар жасалды.

Іс-шараның барысында «жасыл» экономика мен төмен көміртекті даму саласындағы әлеуетті дамыту, қоршаған орта саласында және Астана қаласының экологиялық қауіпсізді бойынша бағдарламалар мен жобаларды әзірлеу жөніндегі ынтымақтастық туралыАстана қаласы әкімдігі, «Жасыл Академия» ҒБО және «Kaukointernational Central Asia» ЖШҚ (Финляндия) арасында үш жақты меморандумға қол қойылды.

Read more...

Ағымдағы жылдың 24 қарашасында Астана ұаласында «Жасыл Академия» ғылыми-білім беру орталығы Білім және ғылым министрлігімен бірлесіп, Қазақстандағы Конрад Аденауэр ҚорыныңӨкілдігі және ERG қолдауымен «Жасыл көпір» серіктестік бағдарламасын іске асыру бойынша іс-қимыл жоспары және төмен көміртекті дамуға көшу" тақырыбына сараптамалық семинар талқыланды.

Белгілі болғандай, «Жасыл көпір» серіктестік бағдарламасын (бұдан әрі — ЖКСБ) 2012 жылы өткен Орнықты даму бойынша Дүниежүзілік Саммитінде Еуропа, Азия және Тынық мұхит аймағының 120-дан астам елден қатысқан мемлекет және үкімет басшылары мақұлдады және ол алғашқы рет Біріккен Ұлттар Ұйымының қорытынды Декларациясына өңірлік бастама ретінде енді. Бұдан кейінгі жылдары ЖКСБ ЭСКАТО, БҰҰ ЕЭК, ЕурАзЭҚ өңірлік министрлер конференцияларында және т.б. қолдау тапты. Дегенмен, семинардың модераторы «Жасыл Академия» ҒБО директоры, «Жасыл экономикаға» көшу жөніндегі Кеңестің мүшесі, э.ғ.д., профессор Бахыт Есекинаның айтуынша, «ЖКСБ мен Париж келісімін практикалық тұрғыда іске асыру мемлекеттік органдардың, халықаралық және ұлттық ұйымдар, ғылым, бизнес және ҮЕҰ сараптамалыққолдауын талап етеді».

Семинардың ашылу салтанатында Еуропалық Одақтың Қазақстан Республикасындағы Өкілдігінің Басшысы Траян Лауренцию Христеа бейнебаян арқылы сөз сөйледі. Сондай-ақ, ҚР Ауыл шаруашылығы министрлігінің Орман және жануарлар дүниесі комитеті төрағасының орынбасары Қайрат Үстеміров құттықтау сөз сөйледі.

«Жасыл көпір» серіктестік бағдарламасы мен Париж климаттық келісімді климаттың өзгеруі және бейімделу мәселелерін бірлесіп шешу жолдарын іздестіру қажеттігі біріктіреді. Семинарға қатысушылар бірінші болыпWWF Ресей Энергетика және климат бойынша бағдарламасының директоры, ф.м.ғ.к. Алексей Кокоринның Бонн қаласында 6-17 қарашада өткен БҰҰ КӨНК 23-ші конференциясының (СОР-23) қорытындылары туралы ақпаратын тыңдады. «Жасыл көпірді» іске асырудың маңызды бағыттары болып табылатын энергия тиімділігін арттыру және экологиялық саясатты қалыптастыру саласындағы тиімді халықаралық тәжірибе мәселелері бойынша Қазақстандағы Конрад Аденауэр атындағы Қордың басшысы Томас Хельм мырза және Австрия экологиялық агенттігінің сарапшысы Джоанна Вогель презентация жасады. Семинарда Тұрақты даму мақсаттары шеңберінде «Жасыл көпір» серіктестік бағдарламасын жүзеге асырудың қаржы құралдарына ерекше көңіл бөлінді. Бұл мәселе бойынша Азиялық Даму Банкінің Қазақстандағы тұрақты өкілдігінің директоры Джованни Капаннелли сөз сөйледі.

Семинардың екінші жартысының тақырыбы ұлттық деңгейде төмен көміртекті дамуға көшу мәселелерін талқылауға арналды. Бұл мәселе бойынша сөз сөйлегендер:РФ Жоғары экономика мектебініңҚоршаған орта және табиғатты пайдалану экономикасы орталығының директоры, э.ғ.к. Георгий Сафонов, ҚР Энергетика министрлігінің Климаттың өзгеруі бойынша басқармасының бастығы Гүлмира Ғалиева, USAID-тың «Болашақ энергиясы» жобасының басшысы ЮСАИД Армен Арзуманян.

Қазақстан Республикасы Парламенті Сенатының, Қазақстан, мемлекеттік органдар, халықаралық ұйымдар, Австрия, Германия, Швейцария елшіліктері, Астана қаласы әкімдігі, бизнес құрылымдары, ҮЕҰ өкілдерінің қатысуымен өткен кең талқылау барысында ЖКСБ және Парижклиматтық келісімді іске асыру шеңберінде әрекет жасау жайлы Қазақстан Республикасының Үкіметі үшін ұсыныстар қабылданды.

Read more...
Сейсенбі, 03 Қазан 2017 13:37

ҚАЗАҚСТАНДА СРББ-ны ЕНГІЗУ

2017 жылдың 21 қыркүйегінде Астана қ. 2030 жылға дейінгі Орнықты даму мақсаттарының (ОДМ-2030) 6.5.1 индикаторын іске асыру аясында «Су ресурстарын біріктіріп басқаруды енгізу (СРББ)» бойынша мүдделі тараптардың ұлттық семинары «Су ресурстарын біріктіріп басқаруды енгізу (СРББ)» бойынша мүдделі тараптардың Ұлттық семинары өтті. Іс-шараны «Жасыл Академия» Ғылыми-білім беру орталығы Біріккен Ұлттар Ұйымының қоршаған орта жөніндегі бағдарламасының (ЮНЕП) Су және қоршаған орта мәселелері бойынша Орталығы мен Дүниежүзілік Су Әріптестігімен (GWP) бірлесіп ұйымдастырды.

 

Белгілі болғандай, 2015 жылдың қыркүйегінде БҰҰ Бас Ассамблеясында кедейлікті жою, планетаның ресурстарын үнемдеу және өркендеуді қамтамасыз етуге бағытталған 17 мақсатты қамтитын 2030 жылға дейін орнықты даму саласындағы Күн тәртібі қабылданған болатын. Осыған орай Ғаламдық Су Серіктестігі сумен байланысты Орнықты Даму Мақсаттарына жету үшін, оның ішінде, трансшекаралық әріптестік арқылы 2030 жылға су ресурстарын біріктіріп басқару бойынша 6.5-мақсатына жетуде елдерге қолдау көрсету мақсатында 2016-2019 жылдарға арналған іс-әрекеттер бағдарламасын әзірледі.

 

Ұлттық деңгейлерде су ресурстарын біріктіріп басқаруды енгізудің деңгейін анықтау үшін GWP сарапшылары Сауалнама әзірлееген болатын. Қазақстандағы СРББ мәселелері ҚР Ауыл шаруашылығы министрлігінің СРК, Энергетика министрлігі, БҰҰДБ, бизнес қауымдастықтың өкілдері, ұлттық сарапшылар, ҮЕҰ қатысуымен өткен семинарда талқыланды. Талқылау барысында су ресурстарын басқарудың жай-күйі, нормативтік құқықтық базасы, қаржыландыру, осы саладағы жобаларды іске асыруға шолу жасалды. Талқылауға келесі тұлғалар қатысты: ҚР Су ресурстары министрлігінің Су ресурстарын пайдалануды реттеу және қорғау басқармасының бастығы Г.С. Имашева, МҮСШК ҒЗО-ның Қазақстандық бөлімшесінің директоры, Қазақстан Су Серіктестігінің президенті Н.Қ Қыпшақбаев, Қазақстан су шаруашылығы қауымдастығының президенті Н.Б. Атшабаров, «Казвоздхоз» РМК стратегиялық инновациялық даму бөлімінің бастығы Т.С. Кененбаев, «Еуразиялық су орталығы» ЗӨБ" АҚ бас директорының орынбасары Л.В. Шабанова, «Су бастамалары» ҚҚ сарапшысы М.Б. Арыстанов, «ҚР АШМ СРК су ресурстарын пайдалану және қорғау бойынша Есіл бассейндік инспекциясы» РМК басшысы М.Т. Аяшев, «Қазақстан Су Арнасы» қауымдастығының бас экономист-сарапшысы М.С. Сәрсембекова және басқалар. Семинарға сондай-ақ Дүниежүзілік Су Әріптестігінің сарапшысы Б.К. Есекин және «Қазақстанның „жасыл экономикаға“ көшу моделіне көшуін қолдау» БҰҰДБ жобасының менеджері Г.Т. Исаева қатысты.

 

Ресми және сараптамалық деңгейде бірлесіп талқылаудың нәтижесінде ұлттық деңгейде СРББ енгізу жөніндегі саясатқа, заңнамаға, қаржыландырудың деңгейіне баға беріліп, бұдан кейінгі қадамдар белгіленді.

Read more...

Ағымдағы жылдың 4-5 қыркүйегінде Астана қ. ЭКСПО-2017 Халықаралық мамандандырылған көрменің/ Болашақ Энергия форумының  «БОЛАШАҚТЫ ҚҰРУДА» атты қорытынды шарасы өтті. Онда ЭКСПО-2017 Манифесті қабылданды.

 

Шараның аясында «Жасыл Академия» ғылыми-білім беру орталығы ҚР БҒМ ҒК-мен және «Самрұқ-Энерго» АҚ-мен бірлесіп, «Төмен көміртекті дамуға көшудің институционалдық және экономикалық тетіктері» тақырыбына сессия ұйымдастырды. Сессияның модераторлары ҚР Президентінің жанындағы «жасыл экономикаға» көшу жөніндегі Кеңестің мүшесі, «Жасыл Академия» ҒБО директоры, э.ғ.д., профессор Бақыт Есекина және «Самрұқ-Энерго» АҚ-ның Басқарма төрағасының кеңесшісі Мақсат Түзелбаев болды.

 

Сессияны ашу рәсімінде құттықтау сөз сөйлегендер: ҚР Білім және ғылым министрлігінің Ғылым комитеті төрағасының орынбасары Еркін Садықов, Қазақстан Республикасындағы Француз Республикасының Төтенше және Өкілетті Елшісі Франсис Этьен, Қазақстан Республикасындағы Германия Федеративті Республикасының Төтенше және Өкілетті Елшісі Рольф Мафаэль, «Самрұқ-Энерго» АҚ-ның Басқарма төрағасының кеңесшісі, «Samruk Green Energy» ЖШС-нің бас директоры, э.ғ.д. Жомарт Момынбаев.

 

Сессияда жаһандық және ұлттық деңгейде «жасыл» энергетиканы ілгерілету және төмен көміртекті дамуға көшудің саяси-экономикалық және институционалдық тетіктері, атап айтқанда, БАӘ-де «жасыл» энергетиканы ілгерілету (Масдар ғылым және технологиялар институтының проректоры Бехжат аль-Юсуф) және Германияны көміртексіздендіру болашағы (Қазақстандағы Конрад Аденауэр атындағы Қордың Өкілдігінің директоры Томас Хельм), Ресей Федерациясының төмен көміртекті даму стратегиясының басымдықтары мен құралдары (WWF Климат және энергетика бойынша бағдарламасының директоры Алексей Кокорин), дамыған елдердегі (IDDR көміртексіздендіру жобалары бойынша сарапшысы Генри Вайсман) және Орталық Азия елдеріндегі (РФ Жоғары экономика мектебінің Қоршаған орта және табиғатты пайдалану экономикасы орталығының директоры Георгий Сафонов) терең көміртексіздендіру жобалары, «жасыл» технологиялар трансферттеу үшін CTCN мүмкіндіктері (ЮНЕП Субаумақтық Офисының басшысы Наталья Алексеева), таза көмір технологиялары бойынша Еуропалық Одақтағы бастамалар мен жетістіктер (ЕО-ның отын элементтері және сутекті бірлесіп байыту Ғылыми комитетінің төрағасы Эден Мамут, Румыния) талқыланды.

 

Талқылауға мемлекеттік органдар, ҚР Президенті Әкімшілігі мен Үкіметінің кеңсе ғимараттарының дирекциясы, «Атамекен» ҚР ҰКП, «Карачаганак Петролеум» АҚ, BI-Group компаниясының өкілдері, ғалымдар, сарапшылар, ЭКСПО-2017- ге қатысқан елдердің ҮЕҰ қатысты.

 

Сессия шеңберінде 5 қыркүйекте ҚР Президенті Істері жөніндегі Басқармасының «ҚР Президенті Әкімшілігі мен Үкіметінің кеңсе ғимараттарының дирекциясы» РМК қызметкерлері, бизнес компаниялардың өкілдері үшін «Термотехника» ЖШҚ-мен (РФ) серіктестікте компанияның зерттеу және даму бойынша директоры В.Л. Кимнің басшылығымен «Ғимараттардың энергия тиімділігін арттыру үшін SMART технологиялар» тақырыбына тренинг ұйымдастырылды.

 

Тренингке қатысушылар энергия үнемдеу және инжинирингтің «жасыл» технологияларын ілгерілету, сондай-ақ инфрақұрылымдық экожобалар жасау саласындағы жаңа ресейлік және еуропалық жетістіктермен танысты.

 

Сессия қорытындысы бойынша ЭКСПО-2017 Манифестіне енгізу үшін ұсыныстар қабылданды.

Read more...

Ағымдағы жылдың 29-30 маусымында ЭКСПО-2017 Халықаралық көрменің алаңында «Болашақ энергиясы» Форумының аясында «Жасыл Көпір» Серіктестік бағдарламасын Париж келісімін іске асыру үшін ілгерілету» атты халықаралық конференция өтті. Конференция «Жасыл Академия» ғылыми-білім беру орталығы мен ҚР Парламенті Мәжілісінің Экология және табиғат пайдалану мәселелері бойынша Комитеті және ҚР Ғылым және білім министрлігімен бірлесіп, Future Energy Forum-ның қолдауымен ұйымдастырылды. Конференция модераторы ҚР Президентінің жанындағы «жасыл экономикаға» көшу жөніндегі кеңестің мүшесі, «Жасыл Академия» ҒБО директоры, экономика ғылымдарының докторы, профессор Бахыт Есекина болды.

Қазақстан Республикасы Президенті Н.А. Назарбаевтың жаһандық экологиялық бастамасы «Жасыл көпір» серіктестік бағдарламасы (бұдан әрі - ЖКСБ) бағыттарының бірі - климаттың өзгеруін тежеу үшін парниктік газдар шығарындыларын азайту болып табылады. Осыған байланысты, конференция қатысушылары - ҚР Парламенті депутаттары, мемлекеттік органдардың, дипломатиялық миссиялар мен халықаралық ұйымдардың өкілдері, Ресей, Тәжікстан, Латвия, Польша, Португалия ғалымдары мен сарапшылары, бизнес-қауымдастықтар мен үкіметтік емес ұйымдардың өкілдері - төмен көміртекті даму және «Жасыл көпір» серіктестік бағдарламасы (бұдан әрі - ЖКСБ) мен Париж климаттық келісімін іске асыру мәселелерін талқылады.

Конференцияның бірінші күнін ҚР Парламенті Мәжілісінің Экология мәселелері және табиғат пайдалану жөніндегі Комитеттің мүшесі, депутат Бақытгүл Хаменова және Қазақстан Республикасындағы Германия Елшілігінің хатшысы, экономика бөлімінің басшысы Йонатан Вайнберг құттықтау сөзбен ашты. Конференцияда, сондай-ақ, ҚР Парламенті Мәжілісінің Экология мәселелері және табиғат пайдалану жөніндегі Комитеттің мүшесі, депутат Мұрат  Бопазов сөз сөйледі.

 Конференция спикерлері «жасыл экономикаға» көшуде ЖКСБ-ның рөлі  (ЖКСБ әзірлеу бойынша Жұмысшы тобының жетекшісі Болат Есекин), Ресейде Париж Келісімін іске асыру тәжірибесі туралы (Жоғары экономика мектебінің Қоршаған орта және табиғи ресурстар экономикасы орталығының директоры Георгий Сафонов), ЕАЭҚ елдерінің тәжірибесі туралы (ҚР БҒМ ҒК Экономика  институты директорының орынбасары Наиля Нұрланова), Польшадағы көміртек саудалау тетіктері («ОCTANT Sp.zo.o» АҚ басшысы Павел Виктор) және Латвиядағы төмен көміртекті даму жобалары жайлы (Латвия Биогаз Ассоциациясының Басқарма Төрағасы, Латвия жаңартылатын энергия көздері федерациясының Басқарма мүшесі Андис Карклиньш), ЖКСБ-ны ілгерілетуде үкіметтік емес ұйымдардың рөлі туралы («Жасыл көпір» серіктестік бағдарламасы» Халықаралық ұйымы» ЗТҚ басшысы Людмила Шабанова) презентациялар жасады. Бірінші күннің бағдарламасы LNEC (Португалия) өкілдері Дана Ғалиева мен Педро Х. Мартинс ұйымдастырған құрылыстың «жасыл» стандарттары бойынша тренингпен аяқталды.

Екінші күннің бағдарламасын Қазақстандағы Францияның Төтенше және Өкілетті Елшісі Франсис Этьен ашты. Қатысушылар ШСЖ-ны дамыту, көміртек ізін бағалау, Жасыл климаттық қаржыландыру және төменкөміртекті даму саласындағы ғылыми зерттеулерді дамыту, энергия тиімділігін арттыру және су секторын жаңғырту, Астана қаласының мысалында инновациялар енгізу мәселелерін талқылады. Баяндамашылар болғанжар: «Жасыл даму» АҚ-ның ұлттық шығарындылар жүйесін реттеу департаментінің директоры Ботагөз Ахметова, тұрақты даму жөніндегі халықаралық сарапшы (Польша) Юстина Высоцка-Голец, Тәжікстанда климаттың өзгеруіне бейімделу бойынша Пилоттық бағдарламасы Хатшылығының техникалық кеңесшісі, Жасыл климаттық қордың Хатшылығының мүшесі Анвар Хомидов, USAID-тің климаттың өзгеруін тежеу бойынша қазақстандық бағдарламасының жетекшісі Алексей Санковский, «Энергия үнемдеу және энергия тиімді технологиялар» институтының директоры, техника ғылымдарының докторы, профессор Алтай Әлімғазин, «Sublemerito» АҚ басшысы, Қазақстанда LNEC өкілі (Португалия) Педро Х. Мартинс, «Аstana Innovations» АҚ қалалық технологияларды енгізу департаментінің директоры Бақытжан Уәлихан, Schlumberger/КазМунайГаз «KAZMI» БМ ЖШС директорының бизнесті дамыту бойынша орынбасары Берік Жаңқұбаев. Баяндамаларды талқылауды ҚР БҒМ Департамент директоры Рашиддин Көкенов қорытындылады.

Конференцияның қорытындысы бойынша Форум манифестіне қосу үшін жаһандық және ұлттық деңгейлерде Париж климаттық келісімін және ЖКСБ-ны іске асыру үшін ұсынымдар қабылданды.

Read more...

2017 жылдың 19 маусымында Астана қ. «Жасыл Академия» ғылыми-білім беру орталығы ҚР Энергетика министрлігі ISTC мен ERG қолдауымен ЭКСПО-2017 алаңында WSEC-2017 Дүниежүзілік ғалымдар мен инженерлер конгресінің аясында «Төмен көміртекті дамудың инновациялары, инвестициялары және  технологиялары: ЖЭК және шығарындылар саудалау жүйесі» тақырыбына сессия ұйымдастырылды.

Іс-шара жаһандық және ұлттық деңгейде төмен көміртекті даму трендтерін талқылау мақсатында, оның ішінде «Жасыл көпір» серіктестік бағдарламасын ілгерілету тұрғысында өткізілді.

Сеccияның модераторлары ретінде 2007 жылғы климат бойынша Нобель сыйлығының лауреаты д-р Рэй Квон Чунг және «Жасыл Академия» ҒБО директоры, ҚР Президенті жанындағы «жасыл экономикаға» көшу жөніндегі Кеңесінің мүшесі, э.ғ.д., профессор Б.К. Есекина болаы.

Сессия шеңберінде осы сала бойынша баяндамалар мен презентация жасағандар: ММУ табиғатты пайдалану экономикасы кафедрасының меңгерушісі, э.ғ.д., профессор, РЖҒА академигі С.Н. Бобылев, ISTC аға жоба менеджері д-р Акира Наканиши, LNEC департаментінің директоры (Португалия) Жорж Грандао Лопес, DIWecon менеджері д-р Петра Опитц (Германия), Оңтүстік-Шығыс университеті Энергетика және қоршаған ортаны қорғау Инженерлік мектебінің термалды энергия бойынша профессоры Пейхонг Вонг (ҚХР), Дүниежүзілік инженерлер ұйымдары федерациясының энергетика жөніндегі вице-президенті Самуэль Гроссман (США), Minas Energy өнімдер әзірлеу жөніндегі директоры Крис МакЛиллан (Канада), т.ғ.д., Әлем және Азия инновациялық бизнес-жобалар конкурстарының лауреаты, EcoWatt ЖШС М.Н. Қамбаров (Қазақстан) және басқалар. Талқылауға «Болашақ энергиясы» халықаралық старт-ап жобалар конкурсының жеңімпаздары қатысты.

            Сессия аясында белгілі қазақстандық ғалымдардың дайындаған «Қазақстан Республикасының жаһандану жағдайында төмен көміртекті дамуына көшу стратегиясы: әлеуеті, басымдықтары мен тетіктері» кітабының тұсаукесері өткізілді.

            Сеccияның нәтижелері бойынша жаһандық және ұлттық деңгейлерде төмен көміртекті дамуға көшудің стратегиялық бағыттарын әзірлеу үшін ұсыныстар қабылданды.

Өтетін орны: Астана қаласы, Конгресс орталығы, 2 қабат, № 4-б кіші залы.

Күні және уақыты: 19 маусым, 2017 ж., 14.30-18.00 сағ.

Аккредиттеу: а.ж. 16 маусымы, сағ. 18.00-ге дейін.

Байланыс: тел. +7 (7172) 277293; 277294,

                      info@green-аcademy.kz

Read more...

         2017 жылдың 7 сәуірінде Алматы қ. Қазақстан Республикасының Ұлттық  ғылым академиясында WSEC-2017 Бүкіләлемдік инженерлер мен ғалымдардың конгресіне (ЭКСПО-2017 ресми іс-шарасы) дайындық барысы шеңберінде «Инновациялық және төмен көміртекті технологиялар - «Жасыл көпір» әріптестік бағдарламасының басымды бағыттары» тақырыбына дөңгелек үстел өтті. Іс-шара «Жасыл Академия» ғылыми-білім беру орталығы мен ҚР БҒМ Экономика институтымен бірлесіп, «Самұрық-Энерго» АҚ және және Еуразиялық Топ (ERG)  қолдауымен ұйымдастырылды.

 

Read more...
Page 1 of 5
Intecracy Group