«Жасыл академия» ҰОО Стратегиялық жоспарлау және реформалар агенттігімен бірлесіп 2022 жылғы 2 желтоқсанда «COP-27: Қазақстан үшін қорытындылар мен перспективалар» ұлттық экономиканы декарбонизациялауға арналған дөңгелек үстел өткізді.
Іс-шараға Дүниежүзілік банктің Қазақстандағы Тұрақты өкілінің м.а. Джейн Эбингер, ЕҚДБ энергоресурстар департаментінің Өңірлік басшысы Раман Рамазанов, ҚР ЕО Үкіметінің достастық жөніндегі бөлімінің басшысы Йоханнес Баур, орталық мемлекеттік органдар мен ҮЕҰ өкілдері қатысты. Дөңгелек үстелдің модераторы ретінде «Жасыл Академия» ҰБО директоры Бақыт Есекина сөз сөйледі.
Агенттік төрағасы Әсет Ерғалиев Қазақстан үшін 2060 жылға дейінгі көміртегі бейтараптығына қол жеткізу стратегиясы құрылымдық және институционалдық қайта құрулар үшін мүмкіндіктер де, сын-қатерлер де тудыратынын атап өтті. «АСПиР маңыздылығын түсінеді және құжатқа ерекше назар аударады», — деді ол.
«Жасыл ауысу өте қажет, өйткені климаттық өзгерістердің қаупі бүкіл әлемді дүр сілкіндіріп, дағдарысқа ұшыратуы мүмкін», — деп түйіндеді спикерлер.
Іс-шара соңында тараптар стратегия жобасының мазмұнына өзгерістер енгізу үшін Үкіметке жіберілетін зерттеулер мен ұсынымдар әзірлеу шеңберінде ынтымақтастықты одан әрі жалғастыруға уағдаласты.

Оқиға жазбасына сілтеме: https://cloud.mail.ru/public/NgDz/PVTgcoVYp